對於讀書會本身，可能每人都有不同的意會，是否指定讀一本書，是否指定一個星期讀同一本書，是否一定要讀才可以來讀書會？我本身沒有指定的答案，因為這不是一個獨裁的團體。我的心願只不過是有一個平台讓大家可以繼續利用POV這個工具繼續成長。
 
大家初時完成了三十堂課，有些同學可能覺得有些離開親人的感覺，這是可以理解了的。所以
我想第一次開始無需咁快決定帶乜書，讀乜書，一切順流讓過程決定吧。誰不知這樣就製造了很多問題，而所有的問題通通指向了借出場地的Maggie身上，每個無答案的問題與及答了的答案未被實現，令Maggie不斷成為箭靶，亦和Maggie 進入權力鬥爭，這是大家都唔想的。畢竟和Maggie由生命動力同學會到現在一齊搞活動這麼多年，以為很多事情都已經很有默契了，誰不知像POV所講的處理一層之後，更深的一層又浮現出來。什麼 控制、無力感、出賣、背叛、心碎、無價值感、無支持、無論如何的承諾程度等等的課題還未學完
…當然我知道通通都是我的功課，Maggie 只是唔知幾多世前應承來幫助我去做這些功課的好畢地。 :)
 
對我來講每一次搞野當然會有不同的聲音，有支持的或不支持與否的聲音，但行唔行得通唯有行過才知道，而結果第一次開始了之後果然有行得通、有行唔通的情況。當第一次聚會之後收到回應，以為可改進之前行唔通的事情，但由於聚會經已成了大家的事情，非個人可以再用自已所想的去做，畢竟這是大家的聚會，這個聚會經已像有自已生命一樣，每人都會貢獻自已所有，當然我亦順著流向，繼續參與。但這個Maggie家裡舉行的星期二聚會離我心目中的讀書會更遠，這當然關乎自已有幾重視這個目標，有幾肯將自已的想法溝通出來。 因為這不是Issac 一個人的讀書會。所以我不能夠控制大家搞我心目中的讀書會，畢竟大家都有不同的意見，而這是大家的聚會。而這個 個程讓我學習學和體驗到的是，放下自已的需要，學習投降，承認自已的需要對大家未行得通。
 
上年年尾完成了三十堂課後，承諾自已玩更大的遊戲，今年又再重讀三十堂課，搞讀書會，療癒地帶咁Q多POV野，與之前搞INF與同學會的心態不一樣，在此多謝Rita Lee對我的在乎；在臨入這些三十堂的會上學到的一句話：每個人的時間表不一樣 。 多謝這段路遇見的每一個朋友，感激大家的互動，因為 生命可以影響生命，您每一個眼神，每一個問候，經已影響了這個大舊石，未來的日子如何我都未必清楚，但願大家各位都能活在當下，有一個精采的人生。
 

P.S.  
這星期二之前一晚OT冷親，借少少病無上Maggie度，Maggie 之後電我告知當晚只有四至六人來，亦沒有主題，Jade 對Maggie說話由她搞，但Maggie 說這個場地是為了支持我而貢獻出來的，我搞了療癒地帶一方面佢好贊成，但一方面佢亦覺得我走了就不負責任，因為這個場地是為支持我而來，我如果唔搞佢就更自由。
 
所以特立此信話比大家聽，Maggie 只係為了支持我，才開放場地給大家，現在我不來的話，佢亦廢事搞。等佢唔洗打咁多和聽咁多電話。

在此我本人衷心多謝Maggie這段時間的付出

你耗費數年所建設的可能毀於一旦，
不管怎樣，總是要建設；

人們不講道理、思想謬誤、自我中心，
不管怎樣，總是愛他們；

如果你做善事，人們說你自私自利、別有用心，
不管怎樣，總是要做善事；

如果你成功以後，身邊儘是假的朋友和真的敵人，
不管怎樣，總是要成功；

你所做的善事明天就被遺忘，
不管怎樣，總是要做善事；

誠實與坦率使你易受攻擊，
不管怎樣，總是要誠實與坦率；

你耗費數年所建設的可能毀於一旦，
不管怎樣，總是要建設；

人們確實需要幫助，
然而如果你幫助他們，卻可能遭到攻擊，
不管怎樣，總是要幫助；

將你所擁有最好的東西獻給世界，
你可能會被踢掉牙齒，
不管怎樣，總是要將你所擁有最好的東西獻給世界‧

 大地震以來雖然一直從傳媒收看到不同的消息，但只希望大家盡快救人及支援救出的災民，算沒有太大的激動情緒，相比六四來講震撼大多了。

記得去年上POV30堂講到 現在某事帶給你的傷感與面前的事無關，
只是童年時某件事物發生之後當時沒有處理或年少的自已當時所生的一些觀點/信念，
到今日被這事所引發當年的感覺。 當時問Peter 如當年六四事件自已感到傷痛，是自已某些童年傷痛未受治療?我問他如果處理好會感受到甚麼 ?他說會有憐憫……

在電話裡Bonnie正教BB怎樣祈禱，小金星正好開心地學習時，有豐富幼兒經驗的Bonnie 想小金星叫媽媽聽電話時，小金星媽媽知道是Bonnie 就不理采，不理小金星的叫喚。而我這刻就著掣了.....

作為2號仔一路以來我的信念係要對朋友好，而小金星媽媽就無此信念對我的朋友，而此規矩只係我個人的信念，與她無關。記得上次POV堂Peter都話過當你設立規矩開始，只會遲早被人打破的，自已都唔係一個守規矩的人，重乜要人守我的規矩?

有什麼比 自已親密的另一半 所製造的 心碎事件 更心碎?
一邊就對Bonnie 講可以當 對方的說話唔重要，
一邊就自已做唔到，被太太的說話傷害而著掣;

一分鐘前就話可以無人令你感覺感受，
一分鐘後就比要著掣

今日老婆就話 我EQ咁低，讀幾多都無用

係囉，我真係錯了。

自已就對LD 果D 乜野T-shirt 珍而重之，有乜event先拿出來著，老婆就用佢果件黑色 LD T-shirt做地布，間中浮在廁所地板頂眼頂鼻.... 哈哈

我知道乜Q都關我事...願此刻投降

POV有句:「被人攻擊不是偶然的，一定係你先攻擊其他人，方會被人反擊」
就係POV用另一個觀點，帶我睇我究竟底層發出乜野事?
與神對話 說假如做的事不是出於愛的話 便是出於恐懼；

可能這是 「對所有野負責任，就算人地錯都係自已搞出來」的另一個說法，要改變世界，只要先改變自已，世界就有唔同...

對我來講，一件又一件事重覆地發生，
只係反映我的模式與信念有行唔通的地方，方會招來攻擊...

明明係想嘉許人，都會招來攻擊，一定係自已去攻擊別人，這是一個活生生、血淋淋的睇法，但為著自已與身邊人，只得咬實牙根幹下去…………

跟住昨晚D在MSN對我說:"your friend dead, you just like not being resonal" 我以為係我對流料Roy的留言..

嘉許你的勇氣穿越死亡誘惑，
亦看到奇蹟…

生命真奇妙
多謝你提醒
原來活著就真係精彩

我以為係我對流料Roy的留言好無理性，跟住她說唔係，係我的男護士朋友，當時我便對D說多謝她的關心……查實我老婆都說我將Chris 的死訊通知其他人像沒有感情的報導新聞，查實我想POV最後幾堂開始便處理這件事，對 支持chris tong 復出簽名運動 事件開始，我經已進入心碎期……

那時哭著對Ken說叫他幫手，到julie當頭棒喝說問題在我那裡，到 被我說被他出賣的心碎故事，到後來Angel 指出我Ego 的陰謀係乜，直到知道模式係乜野，選擇原諒與放下，經已幾十世的修為了。

這幾個月的修煉對我來講得著真大。

雖然就如D所說的 : 你想做好多野改善自己 但係俾o左好多$$$都未改變得太多

可能我無法講明我 穿越了甚麼，亦唔知點樣去解釋得盡，因為自已的一些核心問題解決了，對其它人只是小問題，而我的問題可能千千萬個，所以D對自已的回應亦有一定意義。

而就算解決了一些 人生問題之後，更低層的事件又浮上來，又要去穿越突破 或選擇唔突破...

人生就係咁樣... i mean my 人生...這是我的人生

多謝Chris對我這麼大的付出

I love you Chris

最近一件事係上次Chris離去後立刻找D問她可否幫手，因上次訪問 得知她對懂得通靈之類，希望可以得知更多Chris的事情，但她最後說她不是問米的，不得要領下只好就此打住………

其實上了四天POV工作坊，第一天就要先放下自已，Chris你知道嗎? 我要穿越多少心理障礙，方能行多一步? 什麼無力感、出賣、被出賣、無能力之類的感覺都出來了。遠遠見到R就將Chris的死迅告知，跟著第一個焦點人物就係R，抽中她後都了解她更多... 之後到第三個焦點人物Jeff就交個box比R抽，R後來告訴我她當時心想一定抽到我，結果當年就抽到我，去處理我的心碎故事。

我知道Chris全因有您，給我力量去穿越和突破..

一年的第十二個月，集中在無意識心靈上，所以心靈深層的部分會在表意識層面浮現。這個月的夢想會更加的自然生動，解決長期問題的方法可以被找到。你也會發現一些生活中的問題，實際上是根源於你的靈魂深處。 

親愛的，祝福你們大家。

費城飛往舊金山的飛機上， 2007十二月
恰克史匹桑諾

原來由最初到最後，除了愛之外，一切都是幻像。

這個成功伙伴關系工作坊這的幾天對自已來說，係處理了對父親的睇法；原來不顧家而離去的爸爸，都係好爸爸；記得上堂時導師Jeff問我:「issac，如果你有drak side ，你會否願意將你的darkside遺傳比你下一代?」我說No之後他問我咁我會點做? 我當時直覺便說:「走佬」

哈哈，大師真係大師，原來走佬的都是好老豆。唔怪得POV有句話叫「你當年所經歷的痛只係誤會」，上完工作坊看到每位焦點人物，現在的問題原來都來自自少對父母的一些睇法，晚上D來接放學和她討論什麼叫「你越指控的你便會成為他」，雖然有機會會成為他的相反，但越証明便其實底層經已判定了自已係咁，因為真的便無需要用咁多力氣去証明，只有不真的才要去証明。

一路以為 自已選擇了要體驗 某些野的時候

開始的時候經已選擇了，中間得到的出賣與傷痛，係自已一早預左。

一路以為 自已食得咸魚 抵得渴，以為如果唔抵得的話自然 走都走唔切...

自已既然選擇了做落去，以為自已都抵得渴，

可惜原來

自已一路行一路媽媽差差，指指點點....

其實就係 食得咸魚 抵唔得渴了

所以在此都嘉許之前的Louis 與Jennifer ，真係 食得咸魚 抵得渴，
這幾年為了搞INF所付出的，無論家庭與事業上都犧牲了不少..
到9仔時兩公婆又CO又SENIOR，晚晚回家時繼續討論in入面發生的人與事，但他們都咬實牙根默默去做，帶好這個inf9。
上個月找到Lous飲野談近況，大家都有感而發，笑說Transformation真的很吸引，是個不可多得的體驗……

1127POV簡介 比我最大沖擊係講者 Kevin 說
他自已曾對媽媽不會感激自已旅行買回來的小禮物而不高興，
到後來 諒解媽媽自從解放逃離大陸時經已封閉自已傷痛的感覺，
方可帶大去自已的仔女，
試問一件小禮物怎能叫她老娘感恩?

POV 的魔力就真的能夠明白當初的受害其實只是過不真實的誤會，
當時 別人對自已的所作所為，根本可能是本著愛去令自已免受某些傷害。
而無知的自已咁多年去回想這件事，求當然可能有千百個可能性比當初的選擇更有效去解決問題，
但在有限時間有限思想下，當初的選擇，可能經已是最好的選擇了
因為如果有更好的選擇，經已做埋佢，如果做唔到，可能真係佢做唔到，或者佢無能力...

現在感悟對我來說是 體諒 別人... 佢XXX 咁耐自然會 YYY 的，
你生氣某人，只因某人做了YYY而不按自已想法而著掣
多一份體諒，了解某人YYY的背後理由，是互相了解的一步

因為就像與神對話說:

根本沒有別人，我們都是一體的

昨晚上完POV 30堂 之後發覺原來自已還是水魚。

信一個不值得信的人 係自取滅亡，自食其果。 自已都講過

畢竟一個人 可以受害於旦散senior，覺得那個 「我」比那班 畢地重要，就算之前承諾一齊成長，一齊接受各種挑戰，創造一個理想世界都好，一個旦散Senior就通通推番晒

還是天真的以為可以 信任他? 知道佢還是那個context還是冒險去信任他? 真是一次又一次自已set 個局比自已落去。

當然有些人 好容易話:

  因為 個課程教我們去信任人，

     而 現在基於結果 被人出賣

   所以 個課程係唔work 的....

  而查實個課程本身無教我們做人要互相信任，只係比我們體驗下做人互相信任時有幾好，日常生活時什麼時候可以選擇信任，什麼時候選擇不信任就看閣下的做化了。

 而今次信了一個自已事先都說「我」比其他人重要的 人，去XP 比人出賣的傷痛
。

當然POV觀點係 某人只係自已唔承認的 部份，投射響 某人身上，但明明自已都知:

心數自已做咁耐人: 對人唔住、出賣、臨門走佬、欺騙、無做到百份百、唔夠關心、大隻講.... 都唔少....特別做了小金星老豆以來更覺自已對老婆和小金星都有很多不足的地方。 可惜生存只得一次，要後退、要後悔不可以....

 竟然重要感受咁深的痛楚，幾時先可以療好自已? 穿越死亡區? 救命

Daddy,

就因你沒有回覆我,我就完全明白你不想我再找你,但我有一些說話

實在很想告訴你.我後悔找到你,沒有找到你,我心內還可有一個Daddy，但

找到你，我真的很失望，以前你可有藉口不養我，不付責任，但今日的你，

仍要選擇繼續做個不付責任的Daddy,希望你每買一件名牌，每吃一餐，都

想想我．因為你只要每月吃少一餐，買少一件衫就足夠給我繼續讀書了，

算了！你繼續做你不付責你人吧！從今天起，我可徹底的忘記我有Daddy

希望我代他send 比佢個老豆，哈哈 internet send 野比人唔使代 send 吧，但都幾得意，真係無偶然會send 比我的呢..收到呢封信，心想:大佬，我都同人講我個老豆自從我小學以來都無比過家用，都係星期一三五先番一番屋企呢...到結婚後有次約我出來.......原來係搞D手段欺騙金錢...想了咁多堂，了解到呢D事情的底層，亦都知道每個人經已做到佢最好的了..... 如果可以好以做好D，經已做埋佢，如果佢做唔到，即係佢做唔到、想唔到或者無能力...

心數自已做咁耐人: 對人唔住、出賣、臨門走佬、欺騙、無做到百份百、唔夠關心、大隻講.... 都唔少....特別做了小金星老豆以來更覺自已對老婆和小金星都有很多不足的地方。 可惜生存只得一次，要後退、要後悔不可以....

只可活一次 曲：馮鏡輝 詞：潘源良 編：鮑比達
冷冷的雨 陪伴世間的諷刺
像告訴我不可再嘗試
潮流由人作主反叛沒用處
一顆心偏繼續堅持

* 錯過幾次 曾亦痛心幾多次
但錯了再改 失了又試
就算這次我輸 不輸掉心意
明日我又再捲起壯志 *

# 生存只可得一次
要後退要後悔不可以
盡全力在這生尋求自身意義
光陰裡記下我的詩
生存即使得一次
也願意繼續試不管風雨
是成敗也好 誰能預知際遇
只知用心活一次 #
Repeat * #

(閱讀全文)

請代我 轉寄給XX X.thanks!

Daddy,
你已給了我一個不開心的童年，我幾乎已忘記了你的樣子．
在網上找到你的蹤跡，本已忘記你不付責任的行為，一點也不再
嬲你，只想找回一個關心我的爸爸，但竟然得到的feedback傷透
了我的心！在童年時，媽為了你沒有付贍養費而做兩份工，我一個
星期才見到她一次，每次見完她，都是各有各哭，所以童年時我印
象中的媽媽是哭著的媽媽，（你呢？）．現在希望媽可安享晚年，
請你想想你可為我補償些什麼，我最基本希望你關心一下我．

再google 一下，原來亦在一些網站上留了一些言.....

網上留言真真假假，不同人有不同觀點 ，上了咁多堂，見到所謂童年傷痛都唔少..原來今時今日所體驗的痛楚，有童年經已學懂。記得有次某人對伴侶的不忠感覺到被出賣，因而POV堂上找到因由原來係因為自已童年比父親出賣所傷害。

對某人的憎恨就像繩索一頭係困著對方，而 另一頭就緊緊束縛著自已。
唔肯原諒某人的話底層就唔肯原諒自已，一路用很多力去縛著自已，一係就打死自已都唔會好像某人一樣，但底層其實就係判斷自已都係同佢一樣。

(閱讀全文)

記得某年某日 某人問我有否做過BT / Download ，我就1510的說我怎樣 BT 與download
某人聽到後就說你點都好，無需要咁樣話比人聽的
重舉出例子說明 就算 呀B好鐘意睇四仔，都唔使 1510話比人聽的

當時我心想，大佬呀，我都係見係自已信任的課程人，先將件事話比你聽....
又唔係甚麼犯法野，洗唔洗咁來類比呀?
B就算鐘意睇四仔，一日睇好多四仔，又如何? 又唔係犯法，灰色又如何?

唔通你唔聽 MP3機? 有法律人士夠話就算你 rip 隻CD 做 MP3 經已犯法啦....

當你係畢地先講比你聽囉，
你有足夠的愛心就叫佢唔好睇咁多囉，使唔使咁X樣呀


自已上了咁耐課程，自已體驗到的係先放下自已的判斷，多一份體量別人囉，
不過講真其實重有好多睇唔過的人和事會閃開...
例如最近有人講佢點樣食K仔，講佢食完點high，一路聽一路自已就想走去打鑊佢....

可能自已對自已講做人要對自已負責任，對家庭要負責任....
一見到一個唔愛自已和唔負責任的人，當然想打鑊佢........

呢D 慶的感覺，其實關乎自已的信念系統，果個人只係 自已的心魔 (Shadow) ，
其實係自已的投射....自已唔想的事件，從別人身上就可以見到

而呢D心魔的底層，自我為了保護，往往 會將件事 去處理 誇張的大或相反，話自已唔係咁樣，或自已打死都唔咁樣。

上了咁耐課程，以為自已一早已經可以原諒 離開家庭的爸爸.... 記得 Adv 某個環節，我同老豆講 你走吧，我會好好照顧家庭，我會好好照顧 媽媽....

到上POV 時分享，再發掘深d時知道原來自已 只是道理上原諒了爸爸，底層還是小緊佢， 話 佢唔X識做爸爸，唔識做好老公..等我來教佢.....

POV就說你唔原諒佢，就等於唔原諒自已，因為你一判佢係壞人的時候，同一時間就認定自已都可能好似佢咁，所有做的事情只係極度誇張去佢的相反....做個果d 唔係真心的去做，只係補償/角色....

(閱讀全文)

思想創造實相

咁

夢想就一定成真

所以

個個人都一定win

40個年頭響地球上活動，check in 下自已的result 就可以睇到有乜信念響背後..

記得92年上卡耐基時響往過 :會做一些事情可能人地過了幾年響街遇上後會對身邊的人講話呢個大舊石曾經做過一D咁野 ...當時自已都declare過話要認識多100個朋友，可以了解他們的事情，過了咁多年，認識的朋友都不止此數，他們的事情亦都比較了解，算係超標完成。

回想番這幾十年，有什麼值得，可以証明自已存在過? 上次番睇The Rock，辛康納利入獄30年逃亡後找番個女都係對個女說她係自已生存的唯一証據。自已都基於結果有隻小金星了，算係有D成就，基於結果原來自已係好友，無視地球的環境有幾惡劣，都帶小金星來地球參與改造地球之計劃。

Google 一下找到 四十不惑 ，自已都同意作者的觀點，特別係呢幾年上咁多課程，入面的人際關係，人性都看過不少，好在未到 麻木的地步，特別係上POV果D深入觀點，令到自已更了解自已好多，知道自已點解咁做，原來真係乜Q都關童年事....

(閱讀全文)

與神對話 說的 思->言->行 就係呢隻 ，

LD 基本課程說 意向100% 就 成果100%

而POV 就說 result = intension ，再深入去了解 ，
如果 result 唔係自已 意識想要的，就可能係4% 的意識想要，
而 96% 的 潛意識/無意識 唔想要， 其中一個理由係 fear of success。

(閱讀全文)